ياخطر منك الخطر وانت الخطر .. من تعرض للخطر عمره خطير ياشعاع الشمس يانور القمر .. البها والملح مالك به خشير يعلم الله .. والعرب مايعلمون ... ياقمر ليت العمر كله سهر .. معك ياساهر على غيم الحرير السحر ساعة فراقك انتحر .. والشفق لشفاهك الحلوه اسير يعلم الله .. والعرب مايعلمون عزتي للي كذا مثله سهر .. ماينوم الليل من فرقا العشير سيد ٍ للبيض مامثله ظهر .. طاغي ٍ بالزين والملح الكثير يعلم الله .. والعرب مايعلمون يابدر ليت الدهر نصف الشهر .. وانت لي دنيا ونور ٍ لي تصير ياقدر ربي عسى عقب السفر .. سائلك ربي على الجمعه قدير يعلم الله .. والعرب مايعلمون