اقبل الليل والمجروح روحه سرت ما بعد نام يوم انك تحسبه صحي كان ودي ما اقول ان غيبتك أثّرت ...خابر الوضع قبل انك تغيب اريحي خاطرٍ فيك ما يسمع ونفسٍ زرت ما سمح يوم اقول اسمح واقول اسمحي راعني في شعوري والمشاعر طرت الاحاسيس ما تحتاج رُسل ووحي باعت الناس في ضميرها واشترت وانت شاريك ماني حاسبٍ مربحي الهموم افضحتني والعيون استرت الحزن ما يجيها الا لا قلت افرحي مثل دمعه على وجنة كريم احدرت يستحي لا يبدّيها وما تستحي ما درا عن ظروفه يوم ربعه درت كان عزمه يرد القوم ما ينتحي الجروح القديمه عادها ما برت كيف تبغى الجروح التاليه تنمحي الأمل فيش يا أيامٍ بقت وصبرت زيني شوي وان زنتي شوي اجرحي وانت يا حظي الهقوات فيك كبرت بس يا نفسي ان قلت اطمحي فاطمحي والقصيد اسمعتْه الناس والا قرت زان كان بها ما زان قلت ادمحي المهم العيون اللي عليك سهرت والمهم الشعور انه مهو مسرحي وانت لا تشغلك الافكار لو كثرت كيف أنا ميت بحبك وما زلت حي وانت لا تشغلك الافكار لو كثرت كيف أنا ميت بحبك وما زلت حي