وطن يسعد صباحك ياوطنا والعمار فداك تباكرك الرعود وينثني لك غصن بارقها ...وطن يسعد مساك الشمس ماغابت تبي فرقاك تعدّت للمغيب تعلمه عن طيب مشرقها تفاخر بك شموس وتعتزي بك في سماك افلاك من اللي ما يفز لسيرت امجادك ويعشقها من اللي يزعلك واحنا خلقنا كلنا لرضاك قلوبً تسرها من هيبتك وقلوب نحرقها هنا التاريخ يسجد في ثراك وينحكي بشفاك تطاول قامتك بعض الديار ولاتصدقها هنا ماللزمان الا يطيع وينحني لضياك ولو راسه عني وقدلته للريح فاهقها تبي تعرف وش اللي ياوطنا ميزك واعلاك ورا ذيك النجوم اللي تعانقك وتعانقها خضار وسيف عدل ولا إله إلاالذي سواك ترفرف رايتك وتنكس الدنيا بيارقها