لو طاحت الروس ماقد طاح راس الـسعـودي من امـتونه دون الـوطن نـرهن الارواح ...والمـعتدي نـعـمـي عـيونـه قومي البسي لك ثياب جداد … ياديرتن نارها حيه يامملكتنا عمى الحسّاد … الله يجيرك من السيّه عيدك مثل ثالث الاعياد … واللي معادينك إضحية مثبتينه .على [ الميلاد ] … ونحسب تقاويم هجريه للمملكة روحنا تنبًاع … والحاكم العادل نطيعه له الولا مبطي وذا الساع … مادام في ارقابنا بيعه نحمى وطنا من الطمّاع … نفوده وضلعه وريعه على المعادي تضيق القاع … لوكانت أفجوجها وسيعه بوجيهنا ما لبسنا إقناع … وعزمن على العز تفريعه مانبيع منها ثلاث ارباع … لو ربعها سيم مانبيعه نور الهدى من طرفها شاع … ومكه وطيبه منابيعه إترابها بهجة الملتاع … لا من سقى الله مرابيعه