ياذا الجلال اللي عليك المعتمد والاتكال نطلبك غفرانك وعفوك .. والمدامع غارقه ...من خشيتك ماهي من مفارق ولا من ضيق بال لاهل دمع اللي حبيبه فالزمان مفارقه وانا ادري ان سهم الغرام اشد من سهم القتال قد صابني باسباب من ( بسمة ثمانه بارقه ) غرون سلب عقلي بكثر الزين وسلوب الدلال في عيوني الله عن جميع الناس وصفه فارقه كفكف ظلام الليل وعيوني على نو الخيال اللي من المنشا نشا واقبل يرفرف بارقه مطلع ربابينه على وجه السماء مثل الجبال وفي غبته ياخذ من اشهر لون لـ الافارقه عمت هماليه على جرد الفيافي والعبال والارض مثل البحر صارت من سيوله غارقه بين الطواريق القصيره والطواريق الطوال طرقٍ على بالي يجي بامر الله اني طارقه يامحلا الفنجال الاول من مباهير الدلال اللي بها البن اليماني زود حمسه حارقه خلوني اليا صارت الدعوى مشاريه وجدال ونادو علي في ساعتن فيها الحناجر شارقه ودي بسجه عن ضجيج المجتمع يم الشمال مليت من روتيني اللي ضحك سني سارقه انا اكره الضوضاء واحب الطيبين من الرجال والبر يشرح خاطري .. واضيق يوم افارقه من منطلق وحي الحقيقه ماهوب وحي الخيال جاء لـ القصيده دور في مدح الزحول الفارقه عيال حامد والله ونعم بمداغيش العيال الكل منهم في مقام العز .. يطرخ بارقه فزعاتهم طب ودوى لـ اللي عليه الوقت مال والطيب يبغى الطيب اللي بالفعول يزارقه شروا الحصان اللي فعوله بالوفاء مضرب مثال عن كل جيله ذخر عامر .. واضحه فوارقه حامد ولد مرزوق ريف الضيف محمود الخصال حراً يشادي بالكرم .. حاكم قطر والشارقه وعادل سلك دربه على الطالات بالافعال طال يدرا على الصاحب وخصمه مستحيل يدارقه ساسه مردد بين عمانٍ مطانيخ وخوال شجرة فخر من راس شايع بالمعزه وارقه فـ اول طلوع سهيل حفله صار كنه كرنفال على الشكاله والكرامه .. رفرفت بيارقه يامرحبا ترحيبتن عنوانها .. طيب القبال ترحيبتن عن مجمل الترحيب تبقى فارقه حنا ذوي ميزان .. ساس العز و أكرام السبال كـنـا ولا زلـنـا .. لـنـا هـيـبـه وقـوه خـارقـه من روس قومٍ كاسبين المجد من ماضي الليال شمس المفاخر في سما المطران دايم شارقه