يا حي هالطلّه .. حيّك يا العنود اسمك عطر زاهي مثل ريحة العود زفّيها يا الدوحه ...من قبل لا نمدح .. تراها خلقه ممدوحه لا إله إلا الله صلوا على محمد .. حبيب الله اقبلت .. بنت الاصول من طيبها المعنى يطول شيخة عربها غالي نسبها بيت الكرام الاجاويد مرقابهم عالي وفريد تسمعين؟ يا اللي الزهر ينبّت بكفّك هذا نبض قلوبنا .. يومه يزفّك والكواكب والنجوم من زود لطفك تترك صفوف السما وتاقف بصفّك يا العنود .. يا وجه يسر فيه النظر سبحان من سوّاك وابدع في الصور يا اغلى هدايا العمر .. واجمل قدر يوم انهمرتي بدنيته مثل المطر لما نورك من بعيدٍ .. له تهادى شاف عبدالله المسرّه والسعاده من يلومه لو في حبه لك تمادى يا طموحه ومنوته ، وغاية مراده منهو مثلك يا العنود في حلاك وفي جمالك؟ انتي حتى الزين نفسه ، كل ما له فيك يزود من يماري حسنك الفتّان .. وياقف قبالك يتوارى ما تشوفه العين .. كن ما له وجود نادره انتي في بهاكِ .. مذهله حتى فـ دلالك وفوق هذا الحسن كلّه جامعه طيبٍ و جود كل خلق الله في كفّه .. وانتي في كفّه لحالك من بلغ حد الكمال .. غيرك انتي يا العنود؟