أسكت وأطوّف وأبتسم في ثواني وأدري مجيها بالهوى مو عشاني حروفها من شكلها باين تحب ...تبي تنادي وتغلط بشخص ثاني أظن مجروحة وجتني بتنسى ما تدري إني منجرح في زماني ما تدري إني بين نارٍ وحرقة وما تدري بأسباب الهوى ويش جاني الله يرحمني إذا إني تذكرت أموت من قهري وأموت بمكاني وأموت من ناسٍ تسولف عن الحب وأموت لا مريت ذيك المباني مكان لا جيته تذكرت شكله ودموع عيني تنتثر في ثواني تكسرني الجيّة إذا جيت صدفة ويزداد جرحٍ عالقٍ بالمحاني هذا مكانه يوم حنا نسولف وهذا مكاني يوم أجر الأغاني وهذا طريقه يوم راح وتركني ولا ترك غير الصور والمعاني ورسايلٍ لا شفتها زاد همي فيها حروفي مع سهيل اليماني ضاعت وأنا ضيّعتها وانتهينا من يومها ضاعت جميع الأماني أنا بشر من حقي أعشق ولكن وش حيلتي لا زاد فيني حناني يا وصفة إحساس المعنّى عطيني دام المقدر والنصيب يحداني أخذها وأنا عيني تناظر وتبكي وعيونها تبكي وأنا أدري عشاني أخذها وأنا عيني تناظر وتبكي وعيونها تبكي وأنا أدري عشاني