من يوم ما عنّي قطعت المراسيل تقطّعت كلّ السبل والمسالك ...امسيت تجرحني و بي جرح محيل وقطّعت لي قلبي على ما بدا لك ماتدري انك غايب عن التفاصيل وماتدري اني واصلٍ للمهالك الوضع سيّء مابقى فيه تأويل البعد . مع صدّك. وكثرة دلالك غديت مثل الشمع في عتمة الليل وش ذوبك يالشمع غير اشتعالك حبك خذا من جوف قلبي تناتيل ياعل ضيمي بالهوى ماينالك ما عاد يغريني السمَر والتعاليل كن الوناسة تقول مالي وما لك ماعاد للضحكة علينا مداخيل طول علينا يالظلام انسدالك عن حب غيرك بوب قلبي مقافيل مافيه مدخالن على القلب سالك والله ي لو قلبي على غيرك يميل لبدّلك والقا حبيبٍ بدالك