من نشد حالك كذا قلت والله العظيم إن حزني يكفي الكون كله بأكمله يا وجودي دمع عيني مثل دمع اليتيم ...لا انطوى في ركنة الباب من فقده هله يا وجودي وجد من بين زمزم والحطيم من عظم ذنبه ولو تاب ما قبل عمله يا وجودي وجد عودٍ قضى عمره عقيم ورزقه ربي ولد عق فيه وحمّله يا وجودي وجد من سجن أبوه وهو فطيم أرهنوه وكلم أخوه وعيّ يكفله يا وجودي وجد من كفل إبن عمه لزيم ويوم دار الوقت وثم جاه ما الله جمله يا وجودي وجد من غزه إبليس الرجيم طاوع أهل الشر في أخوه لين إنه اقتله يا وجودي وجد من طاح في إيدين الغريم واعتزا ما به سلاح وعرف ماهيب له يا وجودي كل ليل وأنا همي امقيم وضيق صدري ما نفع فيه حتى البسملة من فراق اللي فراقه على صدري جحيم أشهد إنه غالي وله بقلبي منزلة بين ظلم الحزن والوقت والليل العتيم طاح نجمٍ من سماء الحظ وانهد جبله فاقد عمي وخالي وجدي واللزيم آه يا غيدان يا ليت في القبر أبدله والله إن يبطون ما جابوا بطون الحريم مثله إلا الزرع حبة بذور السنبلة قد تشالا الجرح من يوم قالوا لي سليم وأثر حبل العمر يطوى وعوقة عجله قلت يمكن غيبة الكهف وأصحاب الرقيم قالوا إلا رحلة الموت رحلة مطوله إيش لولا الله وتلاوة سعود الشريم كان يمكن جر تثليث دمعي سيّله أشتكي لله وأشكي على أبوي ودليم آه من حزني وفقده علينا ما أثقله فاقد عضدي وزندي وشريان الصميم وعيني وخشمي ومتني زماني ميّله ويش أقول إلا طريق الصراط المستقيم درب من هو يعشق المرجلة والطايلة عارف وحماي وسنافي وقرم وكريم ودرب وحصان ومقدر وراعي مرجلة الشنار الصامل الصافي العدم العديم والسعادة والسمو والصفوف الاوله وافي وثابت وصادق وفزاع وحليم لو به إنسان كمل قلت ربي كمله ما يعرف إلا على خشمي وربك كريم وأبشر وحاضر وعندي وعونك وازهله