الشتاء فصل الحنين اللي شعم في الجوف ناره بارك الله في الضلوع اللي تزوده من حطبها الغرام اللي ما كان بكيف قلبي واختياره ...سطوته مثل الشجاع اللي غزّا القوم وغلبها أثر قلبي كل ما زاد الغلا زاد انكساره طاح بإيدين الغرام الطيحة اللي ما حسبها المحبة تهدم الرجال وتزيد انهياره غلطةٍ لو عاد فيّ الوقت والله لارتكبها غلطةٍ لو عاد فيّ الوقت والله لارتكبها ما يداوي كسرة الخاطر طبيب ولا جبارة غير ظبيٍ كل عذبات القصايد من سببها والله إن وصالها حالي وفرقاها مرارة ما يتوب اللي تذوق توتها ولا عنبها الجمال اللي جمع بين البداوة والحضارة صبّه الله والله اللي في مفاتنها وهبها العيون تشن غاره والرموش تشن غاره وإن تفاديت العيون الموت من طعنة هدبها وإن تفاديت العيون الموت من طعنة هدبها والجبين اللي فهق ليله وبكر في نهاره والشفاه اللي يذوب القلب من لاضي لهبها والمعنق يّخلف العساس ويضيع مساره يا بري حالي ليا من عانقه صافي ذهبها ماخذة على ربيبات الحسن عرش الصدارة لين سموها رعابيب النساء فتنة عربها فيك من لطف الفقير وفيك من طبع الإمارة يا الهنوف اللي يعزّز زينها قوة نسبها يا الهنوف اللي يعزّز زينها قوة نسبها من يبشرني بملقاها ويبشر في البشارة السهر وألف عيوني من كثر ما ترتقبها جعلها من دورة الايام والدنيا مجارة وجعلني ما أشوف فيها حزنها ولا تعبها عاضني ربي على الصبر وعلى كبر الخسارة صدفةٍ ما كنت حاسبها لكن الله كتبها