يا الله بليل فيه بارق ورعاد ما عده الزعاق ولا الحصيني رخمن مقاديمه تهبد تهباد ...صوت رعده ما كأنه إلا حنيني إلى رفق توحيه في رؤوس الأوتاد هنداب عود شايلٍ له هجيني خرير شلالاته تقول فطراد عجله على القاع وبطاح البطيني يخلي جروم الشجر حذف وبداد أطناب قوم من سنة راحليني بعد ترايع عقب مازل وانقاد أرخى ثعوله مثل دمع الحزيني على عشير منكر الملح والزاد لكن حال الوقت بينه وبيني عليه نفسي تايقه والتوجاد كأنه يهل الجمر في وسط عيني مشاعري له دوم دراس وجداد أعده الوافي وأشوفه يميني أنا أدري إنه من عناء الوقت في جهاد خفوا عليه العذل يا عاذليني أعاند الدنيا على وصله عناد لاهيب في إيدينه ولا في إيديني إن راد ربي جاك وإن كان ما راد قدره مثل ما هو ولو ما يجيني أنشد عنه لو كان ما عنه نشاد علوم طيبة كل ليلة تجيني علوم طيبة كل ليلة تجيني