أفضل ظلام الليل وأبعد عن السمار وأسامر طيوف باهية والقمر باهي لها الأولوية لو تكون الجروح كثار ...ورا سور صدرٍ ما تحكم به ألا هي من الصعب أعاملها مثل باقي الزوار مرور الزمن ما غير الآمر الناهي فقدت الهلا والمرحبا والسلام الحار نعم ربي اللي كنت عن شكرها لاهي ألا يا نحيف الخصر لف الزمان ودار ورحتي ورحت وراح قلبي وأنا فاهي ومادام إن شعري يا صل اللي ورا الأقطار أبا عايدك وأدمح خطا عذرك الواهي مع العيد الأول فالضحى خلها تذكار قصيدة وعيدية طلع قافها راهي تجمل عليّ وراعني وأكمل المشوار أنا من بعد صدك ما عاد أطعم الشاهي من يذوق هجرك يدري إن الزمن غدار ومن يشوف حسنك يدري إن ماله مضاهي على جيدك السلسال يحتار وش يختار يمينه حلا ناهي يساره حلا ناهي لا قام يتثنى خصرك بطيش وإستهتار إحنا من اللي يشمر الثوب متناهي زوى قلبي المزوي على دخلة الدوار أخالف مرور الأفضلية وأنا ساهي ومع جرة أقدامك يغني حمام الدار يا متباهي أرحم من يحبك يا متباهي بقايا حنين وذكريات وقصص وأسرار هي اللي بقت من سالفة حلمنا الزاهي وقفت بوداعك وقفة التايه المحتار آجر النفس مابين تنهيدتي وآهي مع إني قدرت ألزم سكوتي وأنا منهار يا كثر الكلام اللي تردد على فاهي عسى كل وجهٍ طلّته تخطف الأبصار فدا طلة اللي دونها وجهي وجاهي يا سر ابتسامة وجه شاعرك مهما صار أحبك لغيرك ما تكلّم بها أشفاهي لا زلتي تمرين الأحاسيس والأفكار ولا زالت الأيام بعدك على ماهي ترا أتمنى أعيش ما غاب لك تذكار إذا أمنيتك تعيشين ما شفتي أشباهي إذا أمنيتك تعيشين ما شفتي أشباهي