يا محمد لا تعاتبني على قل اتصالي الخلا للي يعاني من ظروف الوقت راحة تدري إنك يا طويل العمر عند أخوك غالي ...خوةٍ ماهيب خوة مصلحة ولا استراحة الفداء من بيننا طول الزمن حال وحلالي نتصابح بالصراحة ونتماسا بالصراحة مير أنا وإن غبت ما عندي إجابة للسؤالي لو يحاورني فصيحٍ كل أبو هرجة فصاحة لو يحاورني فصيحٍ كل أبو هرجة فصاحة رحت أنا والعزم لين العزم خلاني لحالي في تهاتيه الزمن ما بين ميقافٍ وطاحة وقمت أماري بالحلام البيض في سود الليالي واترجاء الحظ يصلح والله أكبر يا صلاحه أتعرض للهواء لاهبت الحاية شمالي كاتمٍ لي من ورا هدف الضلوع العوج صاحة ما بلاي الناس تدري في زمان وش جرى لي دام باقي في فضاء عمري وفي وقتي مساحة دام باقي في فضاء عمري وفي وقتي مساحة إيه أنا ما أقول أنا يا الربع أَبو زيد الهلالي مير يوم أذكر كفاحي كأني أقرأ عن كفاحه حد راسي حي بأطاء فوقك خشمك يا الريالي ولا على الدنيا ضمان ولا على الدنيا نياحه وبضرب فجوج الدير في كل حدب وكل جالي الإبن آدم متعته في الوقت وأنت ونسه وانشراحه ورفقة الطيب غناتي في الزمان وراس مالي لو أغيب ولو يغيب الشك ما نطلق سراحه لو أغيب ولو يغيب الشك ما نطلق سراحه