البارحة يوم عن الشوق خيل الرياح ما أشتاق لك كون باقي روحي المُضرمة البارحة يوم عن الشوق خيل الرياح ...ما أشتاق لك كون باقي روحي المُضرمة يا غاليٍ حدك الوقت ونويت المراح الله يحفظك لكن به شيء ما تعلمه كيف أرقد بدون ما أرجو كل طلة صباح وأنا ادري إن الرجاوي الخايبة مؤلمة وأنا ادري إن الرجاوي الخايبة مؤلمة والخافق اللي زبنك من الألم والجراح كيف أقنعه بأن ظروفك حدتك وافهمه كيف أقنعه بأن ظروفك حدتك وافهمه وأتوّبه من هواك اللي كفوفه شحاح اللي قنع فيك رغم إنك تبي تحرمه أنا، أنا الحزين اللي أصبح عبرة من الكفاح يكافح الحزن لأجل اللي رحل وظلمه خلاه في زور ضيقات الزمن واستراح ما كأنه اللي سكن قلبه ولا اللي ثلمه ما كأنه اللي سكن قلبه ولا اللي ثلمه وإن سلم من عبرته ولا ازرق الدمع طاح وإليا ردع دمعته وش يردع اللعثمة وإليا ردع دمعته وش يردع اللعثمة وتكللت غيبتك في وجعته بالنجاح هذا وإنت اللي أغلى لخافقه من دمه ومباح لك ما عجز غيرك يشوفه مباح وأزريت لا تقتدي لك من سما اِسمك سمه وأزريت لا تقتدي لك من سما اِسمك سمه يا خلي اللي غدا فرقاك سم ذحاح ضيفتني حزن لي شهرين وأنا أكرمه أبعدت تحسبك مطلق للخفوق السراح ما تدري إنه قبيض الليلة المظلمة هذا عتابه على اللي قد مضى له وراح وراضي بما راده الله له وباللي اقسمه وراضي بما راده الله له وباللي اقسمه