بيني ومن بين حظي ما يحيرني لا جيت أبي حاجةٍ لي ما يحققها ما هزني يا محمد وإنت خابرني ...إلا عيون المها ساعة مفارقها لا تلومني لوم وقتي ما يقدرني سرى على النفس بأحزانه وطوقها في ساعة ليت دمع العين شاورني الله لا يعيدها ساعة ويمحقها لا غابت الشمس جاني ما يسهرني وأسامر النجم لين يبين مشرقها الذكريات القديمة يا مصبرني أحلامنا مرة النسيان وأحرقها أسج والضيق لاسجيت دورني تطري عليّ الطواري عند مفرقها يوم ما كان عنها شيء يأخرني وأفرح بمرسالها وأفرح بمنطقها الجادل اللي سبت عقل يوقرني بعيونها الناعسات وفي معنقها جعل السحايب بديرتها تبشرني يحن رعادها ويلوح بارقها