حزمت الشعور وقلبك من الجفا ما حس وصار الوله موضوع خارج من إيديني عليم النوايا يعلم بما تكن النفس ...على غير دربك خطوتي ما توديني حلاله لو اليوم هذا يصير الأمس عشان أعرف اللي بيحصل بينك وبيني ترى الحب بين اللي يحبون مثل الغرس له الموت لو ما سقيك منه وتسقيني فقدتك وأنا ما لي سوى المحبرة والطرس ثواني غيابك كلها مأثرة فيني أخذني معاك بكل خطوة مسير وهجس معك عن جميع العالم الله مغنيني على كيفك إشرح ما تبي جهر ولا همس أنا كل كلمة من شفاياك ترضيني أتوه وعلى وجهك من النور قطعة شمس تدل الشعور إن خانت العين رجليني على كفك اللي كم له من الغلا ما لمس ولا لحفوه من آخر البرد كفيني أنا ما طلبت الكون كله طلبتك بس تكون الحياة بكل ما تعني بعيني دخيلك لا تجبرني على جية المحتاس وأنا خابر إني مثل ما أغليك تغليني دخيلك لا تجبرني على جية المحتاس وأنا خابر إني مثل ما أغليك تغليني