انا من وين ما أوجّه تصادف خطوتي طرياك ولا ادري ليه ما فادت مع افكاري معاذيري على كثر الدروب اللي تودي لك عجزت القاك ...تعبت اتبع سرابك لين ملّتني مشاويري تبعت من الزمن فكره خذت من دورة الافلاك ولافادت مع اوقاتي ولا عاشت بتفسيري ولقيت من الحطام بداخلي اشياء ماتخفاك ومع هذا حطامك كان من اغلى مساييري وكرمته وقدرته لانه مثلك وشرواك وابي منك العذر لامن لمست بيوم تقصيري بنيتك لين ماملّت يديّ وجاني الادراك وعيت من السهاد اللي خذاني من تفاكيري عليك من الحشيمه في ضميري كل ماناداك خفوق ٍمايشوفك غير من اجمل مقاديري لك التقدير رغم بعادك اللي بالعمر خلاك تعيش بعيد وانت ادرى بأن ماني مثل غيري