الحرف و الشعر والإبداع وبحوره والقلب والفكر والإلهام وشعوره ...في الشارجه لو تغنّوا ما يوفوها إمارةٍ في سجّل المجد مذكوره إمارة الشارجه تختال في القمه في عهد سلطان بالانجاز مشهوره في الشرق والغرب دايم اسمها يُذكر اسم ٍ بكل العواصم ثبّت حضوره بايدي أمينه تبات وتغفي و تامن قريرة العين .. مرتاحه ومسروره في ظل سلطان المكارم صيتها عالي لا غيّب الله عنها حسّه و نوره القاسميّ السنافي ما حدٍ مثله حكيم رايه وكلْنا نتبّع شوره نحب اسمه وشخصه وحكمته وطيبه دامت بحكمه الاماره دوم معموره وجواهر الخير كل الناس تشكرها اسمٍ تبروز مع الاحسان في صوره كم قدمت للقلوب الخير وتواسي.. وكفوفها بالعطا والجود مغموره الله يعز الامارة الباسمه ويحفظ سلطانها اللي غمرها بطيبة عطوره ويديمنا في سلام وخير بوجوده ويديم عزه وخيره وبسمته ونوره