يا رحمن اجبر مكسورك وليھ العش يطرد زرزورك يا بلدى البي العربى و رطنى ...الأفراح قطعا ح تزورك سحاب الخير الصب مطورك نجض قمحك و زاد مدخورك فرح اھلك و ملى مطمورك فرا و ولى .... وكتر بورك ود الام الكان.... بيزورك سندك و ميلك وتمه قولك دمك ھمك .. منك و ھولك خلى و ولى..يا حليل زولك الاطفال لا ضل لا راعى و الميتين يا حليل الناعى التايھين فى الصحرا تتداعى الله يزيل...الكان الداعى وين الناس الكانوا حبايبك و الجيران... الكانوا قرايبك في الحارات بتجيك وتطايبك لامن حرت...زادو مصايبك يا رحمن... ضاقت بى خلوقا عطش الجوع و الناس مخنوقا النازحين فى بلاد مشنوقا و الحاكمين فى آخر.. روقا الخازوق... الواقف عارض بين الحق و الصح متعارض يا المجذوب...يا ود الفارض أندھ ربك...و ربك قارض بلد الخير المالى السھلا الله بلاك بى أكبر جھلا بي دعواتكم يا اهل الله إيد الباطش.. راح تنشلا يا رحمن .... يا رب الأمة أرحم أغفر وزيل الغمة الأطفال و الناس.....تتلمة فرجك فرحك راحة وجمة رب الناس سيد الرحمية مطر الرحمة يصب يومية يملى قلوبنا... دفا و حنية و البكنات.....الكان منسية كل الناس... ترجع دغرية لا وسواس لا دين لا دية إيد الخير تتمدا.......تكية تدى الجايع لقمة.....ھنية يا صلاحنا.. أعقدوا النية يا أھل الله اقيفوا سوية هذي الحال ما كان مطرية أقطعوا دابر ھذى.... الحية يا درويش ھاك منى وصية بالآيات .....مدني و مكية أورد .. سبح .... جر ألفية دربك فاتح .....مية المية لما تكون...... الكلمة النية حتبقى الثورة مدد صوفية كلمات