يا مكحّل العين كحّل عينك و ناظر هذي الإمارات عشق الروح طاريها داري نسايم هواها تْبرد الخاطر ... ويتنفس الفخر من ريحة أراضيها كل ما ينسنس اسمها ريحه العاطر يعطر اذان أهل الأرض طاريها عمار يا دار زايد ماضي وحاضر يسولف العز حاضرها وماضيها زايد عليها بعين العاشق مساهر اللي قضى العمر كله لجل يرضيها وعلى خطاويه نهج عياله الظاهر شوفوا محمد على نفسه امبديها مغرم بها وفي هواها قلبه مجاهر وحب الوطن فرض مب سنه نؤديها و يا كبر حظ الإماراتي اذا فاخر اللّٰه عطاه الفخر من اسم راعيها يا كبر حظ المسافر يومه يسافر ويمر في اجوائها وعينه تراعيها أميرة الشرق من الأول إلى الآخر ذهب رملها تزين به شواطيها