سلام يا دارٍ بها عرش سلمان مركى العظيم اللي تعلّى نشيده ...أعظم ملوك الارض بالعز والشان سلمان ابن معزي الله يزيده ياراعي العوجا فلا مثلك انسان يعزّ داره بالظروف العنيدة ترجّح بعهدك لنا كل ميزان ياهل السياسة والقيادة الرشيدة يا فارس الدولة فخر كل ميدان حاكم رسن دارك بشرع العقيدة حزمك كتاب الله وعزمك بالايمان وتسند على محمد ونعم السنيدة يا ظاهرة هذا العصر يابْن سلمان يا معجزة هذا الزمان الفريدة عز الله انك عزّنا يابو سلمان وخيرٍ عظيم لمملكتنا المجيدة ياللي تِذَكّرنا بقصة سليمان ماشاء ربي وباركك لْـ عَبيده هل عندك الخاتم ومع إنسك الجان؟ وهل انت واحد أو رجالٍ عديدة؟