يا حظ من هو ماخذنك عن الناس يدري بغلاك وعن مشاعرك يدري وأنا لك افيّض شعوري والاحساس ...لو الزمان يمر والعمر يجري اكفخ بجنحان الهوى كفخ جرناس مطلع وصيده متجي عنه بدري يا شعاه للهدات والصيد هوجاس وان هد ماشي دون هدّته يذري يناحر الصيده وينكس تنكّاس وينثر غمام الريش في الجو نثري دام الفرص تاتي بلا سابق قياس خلك لها متولم ودوم حذري خلك لها متولم ودوم حذري خذ الهوى بالروف واهتم بالساس شيّد لفهم الود والحب جسري قلبٍ تعلق بالهوى يشكي الباس مجبور يصبر عالمقادير جبري يامن غلاتك خالطت جر الانفاس احس بك ترقى وتنزل في صدري يا اغلى من اصناف الجواهر والالماس يا فوع وردٍ نادر وفوع زهري في روضن يهبّه من النود نسناس ينفح شذا عطره على ضفاف نهري عليك يحمسني من الشوق حمّاس وافرد جناحيني مع الشوق واسري اسري على طاريك يا عذب الاجناس واخذ خبر طيفك واوصّله خبري اشل قدرك فوق لعيوني والراس وغلاك واثقٍ به ولا يضيع هزري في بعدك يراودني ألفين وسواس واروق في لقياك ويزين وطري اشوف في شوفتك رفعه ونوماس يا مجدي ونوماس عزي وفخري يا حظ من هو ماخذنك عن الناس يدري بغلاك وعن مشاعرك يدري