كلنا لك ياوطنا كلنا لك يامليك كلنا لك ياولي العهد في دبرة يديك ... دام راسي حي لا تقلق ولا يلحقك خوف كل شيء إلا حدود المملكة وأمانها ماهي بـ عرضة للأعداء نخلةٍ بين السيوف شامخة وأنا محمدها وابن سلمانها يحفظك ربي ويكفيك المكايد والصدوف السعودية ماتبشر بالسعد عدوانها نشهد إنك صنتها وأسكنتها قلبٍ شغوف ما يهاب إلا الله اللي عزها بإيمانها تنميتنا سايرة في دربها رغم الأنوف وفق رؤيتنا ودولتنا عظيمٍ شانها اقتصادٍ مزدهر وآمالنا فوق الوصوف مجتمع ينبض حياة وواجباته صانها كل حلمٍ صار واقع كل يومٍ ما يطوف غير بإنجازٍ تقلّده السماء وعنانها أنت حطيت النقط ياسيدي فوق الحروف وأنت صيّرت الحروف أفعال في ميدانها لك عهدنا سيدي نقبل ولا نعرف نكوف كلمتك دايم ويرجح عندنا ميزانها كلنا نفخر بك ونعرض على صوت الدفوف خيّال العوجا محمد لاعمر دخانها كلنا لك ياوطنا كلنا لك يامليك كلنا لك ياولي العهد في دبرة يديك