ملي مشيت نتجنب فيكم حسي بايت نداوي فروحي من Trauma صوت فراسي حدودو فايت مخلي شعب متع شمايت اذاكا علاش للشر بايت ...صفق للي يحشيهولو لين يتنحى مالخرايط قدامكم كبرنا كلينا الخرا بش وصلنا اخرتها شنيا حصلنا حبس حل فمو بش ياكلنا دولة نكرت فينا كي ضعنا و الجوع قتلنا عماو علينا كي تعرينا و شافونا كي رواحنا سترنا الحبس واجب وطني اذاكا شفما فوطني تخبى تحت البطاني ستنى لإنتخبات تجي مدام ربي قدرني .. أنسى كان تسكتني لي كيفنا لي جابلكم الحرية بش تحكمني مواقفكم ما تعشيش شعبك إلي تغم فيه تلعبو بأعمار الناس الحبس عاملينو للترفيه موتى أكثر مالحيين كليتو عشاء الناس جيعانين ضلمتو أكثر من بن علي يجيكم نهار و تفكرني بطاقة إيداع و يا من عاش الإستماع ناس تحكم من مذياع .. عمرك في كلمة يتباع علاش تشوفو فينا نوامر تحبو لي وراكم تتباع مشنا خدامة فشريكة مواطنين مناش صناع دنيا صعبتوها علينا والاخرة تو تصعب عليك ستنى غدوة بش تتصلح ملي وعدوك شتبدل فيك ولي شمتو فينا غدوة يجي لي يشمت فيك و بنفس الTechnique كيما دارو علينا يدورو عليك ممنوع تولي كرزة ممنوع تعيش بلاش ديون ممنوع تكسب ولا تحسب شهرية فوق المليون ممنوع تعيش منغير ما تخاف .. لا يضلمك قانون كان لزم ممنوع تعيش موت في البحر بأنقص مدفون سعاو بش يبيعونا كي لقاونا ما نتشروش قالو لازم نحيوهم بش أحنا ما نتنحوش يدوبلوك ما ينجحوش يخسروكم و يربحوش و أحنا مشينا للموزيكا بش للحبس ما نمشوش قداش من TALENT في الخريطة كان يبان ملي حكمتم مشات لمخاخ تقول إنقرض الإنسان لا مبدع لا كوارجي لا مخترع لا فنان لا مذيع لا مشاريع لا // الحيوان ناس بلا طموح قعدلها كان النسيان ناس تشمت في بعضها خاترها فارغة الميزان كان جاء عندها ما تخسر تحسبها قبل ما تدوان ؛ normalememt تخاف لا يصير علاها لي صارلنا و صار لفلان ناس تشم و ناس تحربش .. ناس تعض و ناس تخربش ناس تحفر و ناس تبربش مخاخ و تعبات بالڨربج و الطحان ولى بقدرو ولي بعقلو ولى متروش ضبوع تحب السيودة تمروش يحبو ياكلونا لحم و ڨروش بلادكم لحنينة تحب تقصلنا ساقينا تستنى فينا ناقفو بش تاقف على ساقينا قلو عجة مع الرجال .. رجال بلحاها و شمتت فينا كي العجة كي البيتزا طلعو متع طحانة و هانا رينا