تاملت فخفا نفسي تقلبها كم اشقاني اشك بما تيقنته ولا اوقن بتخميني ودنيا حالها مربك اذا ضحكني بكاني ...تصافي لين اامنها وهنا حتما تجافيني وصديق ضرني بالعمد اكرمته واذاني وحبيب في ظماي ارويه كاس الغدر يسقيني انا وش حاجتي لاعدا اذا هاذول خلاني واذا درعي هو القاتل واذا جرحي بسكيني ابي شاطي بحر والموج فيه يبدد احزاني وابي احزان تتبدد وما تستوطن سنيني ‏وابي ما اتقي شر الذي غطاه احساني وابي اصحاب ما تغدر واعدا ما تصافيني وابي صحه على قدر الالم لامن تبلاني وابي اغنى غنا يطغي وانا اغصبه يهديني وابي بالطيب اكون اول وبعدي اصبح الثاني وابي اعفو مع القدره عن اللي كان يوذيني وابي اضحك مثل طفل قديم فسالف ازماني ولا قد قال ابد يارب شر الضحك تكفيني وابي ابكي بكا كهل تيقن بانه الفاني وابي يارب ترحمني وابي سترك يغطيني

شاطي بحر (روائع ليلة عبدالرحمن بن مساعد وصادق الشاعر)