لا تشتكي همك لغيرك من الناس ‎ماعاد به في الناس من تشتكي له ...‎ورجل من افعاله تحطه على الراس ‎وان ضاقت الدنيا يشيل الثقيله ‎ورجل تحسبه تاج عز ونوماس ‎ولا صكت الصكات يطفى فتيله ‎ورجل طليق احجاج طيبه على ساس ‎بحماه ماتشكي من الوقت ميله ‎ورجل تحسبه من ذهب واثره انحاس ‎عند اللوازم ينكسر ساق خيله ‎ورجل على الفزعات من دون مقياس ‎يجلي غبار الوقت لا سال سيله ‎ورجل تحسبه في الهدد طير قرناس ‎ويصير بوم ويلحقك بالفشيله ‎ورجل خويه لو شكى الضيم والباس ‎مايهتني في صبح يومه وليله ‎يقدم كما يقدم على السطو هرماس ‎النادر بطبعه ونادر بجيله ‎له في سنام العز موضع ومجلاس ‎ودايم وله بالعز راس الطويله

لا تشتكي (روائع ليلة عبدالرحمن بن مساعد وصادق الشاعر)