كلمات التراك: أفي هذه الحياه ما يستحق الحياة؟؟! يبقى شهيد أطهر من مشى على هذه الارض وأبقى أنا اقذر من مشى على هذه الارض. ... لا شيء في هذا الطريق.. سوى السراب.. لا شيء في هذه الحياة.. سوى العذاب.. ان نبقى او لا نبقى لا يهم ، بقدر ما يهم الأثر حينما نرحل.. إن كان في نفسي بعض حزن فساصرخ بموسيقاي بأن : انو اكبر مشكله لما يكون إحساسك هو البيعذبك هو البأنبك هو البيدمرك وبيقتلك.. هو البينهش في روحك وبيسوقك لعزلتك .. هو البيفضل يذكرك بغربتك . ما بين المنطق واللا منطق , افكاري هي اللا منطق لانه الحياه دي كلها عباره عن SIMULATION. وانا المحبوس في عقلي , لسه مسجون جوه نفسي.. لسه بكون قاعد بينهم بسرح ووبتونس مع نفسي.. تايه في دروب الدنيا . رايح من STATION. حتى السلم الموسيقي ده عملتو من دون منطق.. ما حقول ليك رفقا بي STRAIGHT في وشك تبا لك !! الرفق بطلبو من مزيكتي وبحسم بيها اي شك. والشك في راسي بيزيد زي الاسئله بتزيد كل صوت هربت منه رجع من جديد. بس بيفضل صوت واحد في راسي بيتكرر ويقول دائما ويذكرني بانه: " يبقى الشهيد أطهر من مشى على هذه الارض وأبقى انا أقذر من مشى على هذه الارض" "يبقى الشهيد أطهر من مشى على هذه الارض وأبقى انا أقذر من مشى على هذه الارض" شايف المزيكا دي كيف متناقضه ؟؟!! دي افكاري لما الحاجات ما تكون واضحه! وبيني وبينك ما في شيء واضح. بالذات في الفتره الاخيره دي ما في زول عارف. كله رايح , كله تايه كله غرقان في محيط همومه بجابه. فما تتوقع في الEP الجاي شيء مفرح ، لانه الوضع ما مفرح. سكاتي كان عشان ما ازيد في الجرح البنزف! " لست بخير " والموسيقى دي لو لامستك هتترك فيك اثر. ما عشان انا احسن منك ، بس كلنا اولاد بشر. كلنا سايقنا القدر كل واحد فينا بعاني وكلنا بنفس القدر. كلنا عافرنا وحبيْٓنا وخطواتنا راحت هدر.. ياها المشاهد الكئيبه.. نفس أولاد البلد الواحد بينهم سلاح واقفين قصاد شعبهم كتيبه.. والوجع مالي الشوارع والبيوت .. عابر للحدود.. صفقه الخلود ما بين الألم والسكوت. ويا سكتنا الطويله ويا جروحنا اللي ما بتبرى.. كنا بنهرب من امبارح وأسي نخاف من بكرة.. وأسي نخاف من بكرة.. أسي أسي بنخاف من بكرة.. " هذه موسيقتي ، وهذه اشعاري ، وهذا ملاذي الامن ... يبقى الشهيد وأطهر من مشى على هذه الارض وأبقى انا أقذر من مشى على هذه الارض.