سمح سماح ياخ من الموت الشويفع المسلط بالحيل ود حنود دا اهلو منو ... ود ناس منو وجاي ماشي وين فوق السماح زاد حبتين حرسو حولو مدججين ما مسموح غير شوف العين فيه حاجب وختة عين شاشن ليه وعاجبن وقفن ليه جديات العسين امو فلانة وابوه فلان صفار الموز والبرتكان فلان وعلان فرتكان قالوا بعرفوه من زمان الناس واقفين كيمان كيمان خجانة خج ركزت معاهو واتجمهرنا تحلف مهرجان قالوا من حي العرب سكر العسل الرطب يا الريدك ما داير ليه سبب اللوم على قلبي العتب ناري شعللا زاد حطب وقعت ما سميت براي ان قلت اسمو بجيب كبب الود حكاية براها كوم حاكى قوقايو البلوم بريدو من جوفي الكتوم أطراه صاحي ان قلت نوم متوجع من كتر الهموم الود دا مرهم للجرح شوفتو بتسعد يا رب يبقى دوم