تلاقينا بلا موعد بعد سر الجفا ماباح وجاني في عيونه شوق وبيمناه مسباحه وقفت وكل مافيني رجف صحى بقلبي جراح ...يظنون انه يسلم واظن يتفقد جراحه حكى مدري وشيقول ابتلشت بدمع هل وطاح اصد مرة ومرات اتصنع ضحكة الراحة يقول الوقت من دونك يمر كن الثواني رماح وقلت الله يجيرك ماعرفت الوقت ورماحه انا اللي من سبايب صدمتك هليت ليل وساح على وجهي علامات الفراق الحيل فضاحه ياليت لغيبتك عذر ولو تافه عشان ارتاح ولكنك حرمت القلب وهو ماذاق تفاحه بكيتك لين مديت الفراق اللي بعينك لاح واكيد انك تعرف اشكثر انا افهم ولماحه وراك الباب وتدله وراك الباب والمفتاح وبعد وياك خذ قلبي وخذ بابه ومفتاحه وراح ويده تلوح سنيني بعقدة المسباح ياليت اني قبل يمشي من ايده خذت مسباحه