خيل القوافي في مديح جيوشنا قام وصهل الي لها عادات تقرن قولها بافعالها ...يالجيش يا عز البلد شعبك معلق بك الامل شبه الجزيره شاهده فعلك وفيك امالها ورجالك الي كل رجلن منهم لا ما بخل خصيمهم يوم الملاقا ما فرح بقبالها ردو الخبر طيب وفعل رجالنا ما ينجهل بافعالهم قامت ترف بكل دار اعلامنا والصعب بعزوم الرجال الوافية يصبح سهل الله يعز ديارنا والله يعز رجالها سلام يا جيش اذا حان الوعد قول وفعل بعزوم شجعانه طموحات القياده نالها وان كان صعبات المواقف ودها وقفة رجل الرجل منا ينتهض للصعبه ويرقالها جيش السلام الي سعى للخير في كل الدول وصل جنوب الارض وايضا واصلن بشمالها واقول للي من فعلهم فالملاقا منذهل طبع الصقور الوافية ماهي تبور عيالها