اكذب على نفسي ترى ماني بصادق في الغياب ادور في دايرتك ...اللي مستحيل املّها يازين لو كان العذر ماهو على قد العتاب طال الغياب وصدتك ما قلبي بكفوٍ لها يا طاهره مثل المطر يا شامخة مثل السحاب يا اول دروبي في الهوى واجمل دروبي كلّها مالك شبيه الا القمر بس القمر من يوم غاب وانا عيوني كل ليله والدموع تهلّها انتي مقسّيك الخطا ولا مضيعك السراب ابي جوابك ولا انا كل الدروب ادلّها اخطيت وادري واعتذر ويحق لك فتح الحساب لكن غيابك مشكله مافيه شيء يحلّها أنا بدونك تايهٍ ماله من الدنيا ذهاب متساويه في نظرته دق العلوم وجلها يا غايبه ما علموك اني هنا ميت عذاب وما علموك ان خطوتي عجز الطريق يشلّها يا قربك ويا مبعدك لو بيننا شارع وباب اروح وارجع وانتظر طلة وصال تطلّها أراقب الشباك واقف وانتظر منك جواب واقول راضي لو ماغير تمر وألمح ظلّها مكسور مثل الشايب اللي فاقدٍ عمر الشباب محتاج فرحة يستعيد بها حياته كلّها