اللي جذبني في الهوى والمحبة عليه من وصف المهايا ملاميح أهوا الهوى وأنا له أمواج غبة ...يلعب بي التيار وأهيج وأشيح اللي جذبني في الهوى والمحبة عليه من وصف المهايا ملاميح أهوا الهوى وأنا له أمواج غبة يلعب بي التيار وأهيج وأشيح آية جماله موهبة عند ربه امكيَجٍ من قبل يولد ولا يطيح خذ المدامع من المها لي زهبّه ودق الدعايا في عيونه مواضيح، في عيونه مواضيح اللي جذبني في الهوى والمحبة عليه من وصف المهايا ملاميح له شفّة جمرة لظاها تشبّه لاظي لهبها في الحشا لي ولا أبيح عفت العذارى والمحبة ع سبّة لاني مريض ولاني بخير وصحيح أشوف في خدّه شرايين لبّه وأشوف ريقه يوم في جيده يسيح بين الكمثرى والترايب تشبّه الصدر زمنّه غظاظٍ مطافيح غظاظٍ، غظاظٍ مطافيح اللي جذبني في الهوى والمحبة عليه من وصف المهايا ملاميح أهوا الهوى وأنا له أمواج غبة يلعب بي التيار وأهيج وأشيح خصرٍ هضيمٍ والجدايل لوَبّه نوع الحرير الناعمات المناشيح سكّنته عيون الغلا واسهربّه قفّلت عن غيره جميع المفاتيح ليت النسيم يمرني لي يهبّه وجيب من ريحة ردونه منافيح أنا أحبه واتنفس مهبّه وأجيه قلبي في الهوى يسبق الريح، في الهوى يسبق الريح ميّل بي بحبه ولا ميّلن به حظي وحظه بين خِسر ومرابيح يا فاهمٍ معناي بالله غَبّه امشي على درب الخطر دون تصريح