يا علاج الضايق اللي يعاني من سنين ويعتريه الهم لا من سَرح ولّا ضوى إنفضي عن صدرك الشك مرة مرتين ...قبل لا يدخل بقلبك ويتّلف ما حوى الهوى في حاجة الوصل وإحساس ويقين ماهو بْحاجة محارب ولا لاعب قوى جيت لك واضح ما عندي يسار ولا يمين وماني اللي يستغل لك بحجة محتوى شاعرٍ ضحى من أيامه الشي الثمين كلّها لأجلك وغيرك ترا ماله لوا كل ما غبتي عن العين لو عذرك سمين ينتهض ذيبٍ بصدره من الشوق وعوى يتنفس حبك العذب مثل الأكسجين ويتقهوى من دلالك ليا منه خوى سولفي واسترسلي بالكلام اللي تبين وانثري شعر من المسك والكادي روا صوتك مسكن للآلام مثل الأسبرين يزّبنه شخص ما حصل طبيب ولا دوا وعينك اللي ضربها مثل ضرب المارتين كل عاشق من سببها على الأرض إستوى إضحكي وإستامني والمهم ما تحزنين ضحكتك والعافية تجتمع دايم سوا والله إن الحزن مايدّهلك في كل حين دام راسي حي وبخير ويشم الهوى