لي باللواحظ رماني وفي بحر شوقه خذاني ياني بتالي زماني والفكر به تاه وأبحر هز التوازن حضوره من شافت العين نوره ...سلّمت والشور شوره لا خذ ولا عطي ولا أقدر سلهم وضيّعت ردي بعيون فيها تحدي ومن لامس الخد خدي، خدي بخده تخدر عطره وطيبه شذاني وعطّر عليّ المكاني وحرّك شجون اتزاني أفوق بالطيب وأسكر خذني بتيه المودة ما بين جزره ومده واللي خذه ليت رده قلبٍ من الضلع الأيسر من ينظره من يشوفه اتشب ناره في يوفه تفرك يدينه حسوفه وفيه العواطف تكسّر ماخذ وصوف الدماني خفة وعود اللياني وخدٍ من القيحواني امشرب اللون واشقر فيه الغنج واللطافة وفيه الصبا والترافة ومعزّلاتٍ انصافه عوده شرا الموز الأخضر له النحر ما يخفّى الماس غالي مصفّى يوم التفت لي وقفّى عليه الله وأكبر ما حس قلبٍ يحبه يومه علَق وانتشبّه عاف العذارى عسبّه وغلاه في الروح يكبر ولي باللواحظ رماني وفي بحر شوقه خذاني ياني بتالي زماني والفكر به تاه وأبحر هز التوازن حضوره من شافت العين نوره سلّمت والشور شوره لا خذ ولا عطي ولا أقدر