جيت نهنّي لي خنبو الضّي من عيني و زرعو الغصّة في القلوب جيت نهنّي لي وقدو النّار في كنيني ...و في كنين الشّعب المنكوب مبروك ترابنا عليكم مسّختوه ودموع شبابنا الي في البر هجّرتوه مبروك ترابنا عليكم مسّختوه وأرواح شبابنا الي في البحر طيّشتوه مانيش مسامح لا لبارح لا اليوم مانيش مسامح مادام فيّا الرّوح وحتّى كيف روحي باش تسرح في الكون باش تبقى تلعن و تعاود و تقول مانيش مسامح لا لبارح لا ليوم مانيش مسامح في حق المظلوم في تراب الخضراء و في كل ما نهبتوه مانيش مسامح - مانيش مسامح جيت نهنّي الي كتبو الغربة على جبيني و غطّو شمسي بالغيوم جيت نهنّي الي إغتصبو الحلم في ليلي و في ليل الجيل الملعون مبروك ترابنا عليكم مسّختوه ودموع شبابنا الي في البر هجّرتوه مبروك ترابنا عليكم مسّختوه وأرواح شبابنا الي في البحر طيّشتوه مانيش مسامح لا لبارح لا ليوم مانيش مسامح مادام فيّا الرّوح وحتّى كيف روحي باش تسرح في الكون باش تبقى تلعن و تعاود و تقول مانيش مسامح لا لبارح لا ليوم مانيش مسامح في دمّ المغدور في تراب الخضراء و في كل ما نهبتوه مانيش مسامح - مانيش مسامح