ديل خشو البلد اغتصبو البت و قتلو الولد ديل نهبو البلد قتلوهو يا دوبو اتولد ديل خشو ...البلد اغتصبو البت و قتلو الولد ديل خربو البلد قتلوهو يا دوبو اتولد الشعب احلامو بتتسلب شمال و جنوب الشرق للغرب و يومي بسمع اصوات الضرب ٨ شهور و البلد في حالة حرب و وينو الجياشي موقف الشعب في الخط الامامي و انا شايف احلامي بتتحطم قدامي و ناس بتموت اسي قبل اكمل كلامي سوداننا بيعاني ياخ تبا لأي دعامي عفوا اقصد الحرامي ابوي مكبوت في صمت يتألم و امي مغبونه ما قادره تتكلم اخوي الصغير ما لاقي يتعلم الجيش للدعم قام سلم البلد و قام انفرد بالقتل استلذ ديل خشو البلد اغتصبو البت و قتلو الولد ديل نهبو البلد قتلوهو و يادوبو اتولد بلادي الدم فيها يسود لأي دين يتبعون أهم يهود ما حتحكمنا عفصة البوت ما زلنا صامدين يا مان كالأسود كل يوم بيزيد عمق الجراح الخرطوم اصبحت مدينه للاشباح بعد ظلام الليل ياتي الصباح ٨ شهور و انا مهدد تحت بالسلاح مافي زول يحاسب نسو انو في محاسب و مافي زول كاسب كلو خسران ديل باعو ارضنا ديل باعو السودان مواطن غرقان في بحر الاحزان فك في حميدتي دا باع السودان م عرفنا منو المعانا منو العلينا مافي حاجه بين ايدينا ديل احقادهم دفينه يا الله بس تحمينا خريطة السودان اكتر صورة حزينه حنرمم السفينه و نرجع احسن من ماضينا عارف انو كلماتي ما حتجيب حق الغبينه بس والله لسة يا عزة انتي حية فينا ديل خشو البلد اغتصبو البت و قتلو الولد ديل نهبو البلد قتلوهو و يادوبو اتولد ديل خشو البلد اغتصبو البت و قتلو الولد ديل نهبو البلد قتلوهو و يادوبو اتولد