كلَّها الدنيا تخلّت ما بقى لي إلا أنتْ وانتْ كل الدنيا عندي لا تخلّيت أنتهي هاتها ايدك فديتك احضن كفوفي بصمتْ ...عاندت أحلام روحي بغير طيفك تلتهي إلا هذا الهجر تكفى ذابت حروفي عليكْ ما بقت فيني صواري للحزن واستحمله إحتمال الوصل منّك للأسف يرجع إليـــكْ أما قلبي وانته تدري كيف ما يشتاق لـه وين ما قبّلت اشوفك وجهة جنون وخيالْ ضعت في عيونك وتدري منهو غيرك اعشقه هيّه لحظه أيه وربّك بدّلت حالٍ بحالْ صرت لما انده عليهم اسمك أغلط وانطقه