وش تبين من المطر والغيم يا ضحكات خلي من يشوفك شاف نوض البرق في عرض المخيلة زابن الصوت الرقيق وزابن الوجه المهلّي ...لا تسيّل واديٍ ماني بمتحرّي مسيله أمسك إيدي لين أجي كلي معك واروح كلي واعتبرني تايه في الدرب خلاك الدليه أنت لك رمش ليا منه ذبح عوّد يصلّي ولا أنا مالي على شيٍ عطاك الله حيله شايفٍ في عيونك الثنتين ترحالي وحلّي وصامتٍ صمت الصبور اللي على جمر المليله تشرق الشمس وتغيب الشمس وأنا في محلّي أتصبّر وأعرف الغاية ولا أعرف الوسيلة أتصبّر وأعرف الغاية ولا أعرف الوسيلة من عذلني منك قلت الموت عنده جايز لي وإن بغى قتلي طعنت الروح لين أشفي غليله فدوة الطرف الكحيل وفدوة الغمازة اللي ضاميه من مبسمك ولا روت من سلسبيله عن قبال يسرق الألباب ماني بمتخلّي ناسل روحي على متنك مثل نسل الجديلة إن ضحكت تعلّم الأزهار وشلون التجلّي وإن بكيت تساوي النفس العزيزة بالذليلة من عرفك وما قضى عمره طروب ومسفهلّي من لقاك وما لقى الدنيا مثل وجهك جميلة ما أنت بالظبي الجفول وما أنت بالظبي المفلّي الظبا ما تسجن العاشق ولا تخلي سبيله الظبا ما تسجن العاشق ولا تخلي سبيله