في طريق طويل مليان بالشّوك مع الدّنيا القحلة أنا إخترت نعيش صُعلوك صوتي كابوس في رأس الحُكّام الملوك ...نصحّي في شعوبهم من كأس سكرة الموت في كوكب كبير بين الشّعوب بلادي منهوبة و حاكم فيها ورل مكلوب و شعبي ما ينوض كان ما يشهّد المريض مايشمّو بقري كان مالكرشة عليه تفيض في شارع غريق والنّاس تعوم غارق عالخبزة ماعادش لاقي شكون يلوم بن عيّاد؟ مدّب؟ بوشمّاوي؟ ولاّ وكيل؟ مبروك؟ بن يدّر؟ ولاّ اللّومي؟ ولاّ إدريس؟ مانيش مسامح و نشاللّه تخروه في حبس جهنّم و لاّ الجنّة بالمِينوط يطيح في ذراريكم بركة سيدي بن عروس عرق نساء تونس في سوانيكم و الدّاموس في طريق طويل و عجاج و ريح في دنيا هترت أنا إخترت نعيش صحيح نخرى في كيوف سيدي الباي و سيدي الشّيخ نحفر حفرة لسيستام الحُقرة لين يطيح في كوكب كبير و الماريكان ولاد الإستعماري الآري السّوبر وايتمان الي متاعو كبير ينكح في حقوق الإنسان ما على بالو غزّة الكونقو و السّودان في شارع مولود وفي شارع مدفون عايش شماتة في راس المال بني صُهيون وعلاش تانعيش كان مش طالع منّي الصّوت؟ نصحّي في شعوبنا من كأس سكرة الموت في طريق ظلام و القمرة غدات في دنيا ميركافا أنا أخترت نكون شوّاظ نجهر بالكِلمة صوت النّاس المقموعين نجهر بالحِلمة اليُوم الحلمة فلسطين