قولو لمنهو حوله قطع الوصل وشهوله بيني وبينه عِشره وش تالي الكتمان ... الجادل اللي وصله ياكم ضحيت لجله اللي غرامه ساكن حبه علي ماهان ياما وصلت البيته والعمر له ضحّيته حسبي على من حوله يسعون فالهجران محداً سواه وغيره من ديره اليا ديره اللي خياله دايم في عالمه ولهان زوله وقل اوصافه تذهل عقل من شافه فارق وزينه فارق زين وحلا فتّان غمازةً في خدّه فارق ولحدن قدّه زين وجماله طاغي مثل القمر لا بان على كثر ما جاني ماله خشيرٍ ثاني والحب له مصيوني ستر وغطا وامان ف الحب أنا مجنونه كلّه لزين عيونه ياحظ منهو شافه هو غالي الاثمان الحظ دونه قفّى يعطي الوعد ما وفّى حال القدر من دونه والقلب له شفقان