غاتسمعوا لحكامي وحكامكم، سيني لقوالي واقوالكم وخا نبان ليك را داوي غا عليك ولا عليهم را داوي حتى عليا بلسانكم ...هذا را حسابي وحسابكم عذابي شوية من عذابكم عدياني وحبابي في سحابكم انتوما حكموا راه كلشي قدامكم كي ديما بديناها بسلامكم، واخا غا تسدوا بيبانكم احنا ما تحبسنا لا ڭرية لا حيط، لا بيبان را ديجا على بالكم احنا مكانديروش بحالكم، انتوما كاتعيشوا بلسانكم صبرنا هزينا بهبالكم، كعينا حتى شفانا حالكم ديما غا تشوفنا قدامكم، الرجلة سيدها را خدامكم فين ما غا تشوفنا غا تفكر باللي، احنا اللي نيكينا أحلامكم قديمة ومعاودة أفلامكم، جينا ضوينا في ظلامكم مرضتي شفتيني خو بارتو في الزنقة، دخلتي لقيتيني حتى في داركم اه! آش أخباركم، فراسك انت آش طاري في داركم أنا راسي را شعاركم، وبلا ما تلوحوا علينا عاركم خويا غريبة أطواركم، واقيلا غا طول في عماركم معاودة مملة أدواركم، والخدمة عيانة في نواركم مللي خفافيتوا فعباركم، را باعوكم وبلا خباركم رخيصة والفيس علامكم، وهذا را صالير عمالكم بغينا نعرفوا خو غا مالكم، امتى غا تبدل احوالكم واقيلا الايام اللي نساتكم، وخا دازت والو ما قراتكم دويتوا لينا على عشرانكم، باللي الزنقة اللي جمعاتكم بقيتوا كتهضروا لينا على الرجولة، جات غا قاصرة فرقاتكم قالوا حرمتوا حلالكم، ديروا ما بغيتوا في زمانكم اعطينا صداقة ثمنكم، مراض محال غا طفى ناركم شوف فين وصلنا بسبابكم، ندمنا حتى درنا بحسابكم عاديتوا حتى دوك اللي في جنابكم، سدينا على داك اللي جابكم صافي دابا عمر كتابكم، تقدروا تقولوا راه مكتابكم كون غا قديتوا بكلامكم، كون ڭاع ما يدوروا عليكم دابا كلابكم داكشي اللي درتوا باش فادكم، غا قول ليا باش فاد بلادكم دابا خاوي صدق بلانكم، وحنايا السكة منين كايدوز طرانكم اش خديتوا واش عطاوكم، شوية عطشانين لقاوكم جابوا ماهم باش سقاوكم، شربتوا منوا حتى صطاوكم شكون اللي فيهم اللي رباوكم، مورا شي حيوط را خباوكم الضواو را شعلوا باش عماوكم، لا تعيشوا لا تموتوا خلاوكم شفتوا داكشي اللي وراوكم، ما دويتوا حتى جاو اللي دواوكم ملينا من الهضرة المعاودة اخويا، صافي را حفظنا موالكم باقي ما مضيتوا مواسكم، بغينا نعرفوا شكون اللي قاسكم اشنو اللي كان باقي خاصكم، را ديجا درتوا الضحك في راسكم انتوما را بعتوا حتى ناسكم، داكشي علاش مابغيناش نشربوا من كاسكم سبابكم انتوما وسواسكم، باقين جارين معانا حتى في نعاسكم كيف ديما فخامية دقانكم، باينة محسوبة أرقامكم طيروا ما تفوتوش مقامكم، واحنا را كانعرفوا ألوانكم كيفما خنتوا جا اللي خانكم، ماتوريش لامك دار خوالكم والعافية اللي شعلتوا را طفات، واخا باقين كانشموا دخانكم ياك ما هضرتي بكاتكم، ياك ما لخصت فيها حياتكم قدم لينا شكون سيادتكم، ولا احسن غا فيدونا بسكاتكم