تمرين في بالي مع ساير الغيّاب يطوفونك وأنت تمركين في بالي وتهزمني الدمعة وتتبلل الأهداب ...وعن ناسي اتوارى وأروح أجلس لحالي مع إني أحب الناس وأشفق على الأصحاب لكن من صديت صادقني ضلالي يا شين الفراق إن جاك فجأة بدون أسباب بذات لمن كان مع واحد غالي تحس الوطن خالي من الناس والأقراب وعنك الفرح والونس مقطوع الإرسالي ولا طروه تتلفت عيونك على أقرب باب تبي تستر الدمعة عن وجيه الأنذالي هجرني كحيل العين أبو مبسم جذاب وخلاني اضحوكة على أفواه عذالي ومن ساعة الفرقه وأنا خافقي منصاب أدور عليك وصافي الدمع همالي وأنا حالف دمعي ما ينزل ع الغياب وأنا اللي أقول إن الهوى لعب جهالي وقعنا بغرام ما حسبنا له أي حساب وجينا من أقصانا على الحب من تالي وصارت قصايدنا غرام وعتاب أحباب ومن زحمة الأبيات فولت جوالي سطا بي غلاك ودك قلبي وراسي شاب لواهيب الأشواق تعشا من وصالي