حلمة فوق حلمة و مكدّس أحلامي نكمبس في راسي و نشاور في الليل عطيتك موزيكا من عرقي في أنغامي ...باش تسمع كلامي كي نهارك طويل ما نحسب حسبة كي ندخل بغرامي ما نعرف فصعه كان ربي اللي حامي، ما نحسد الصيد اللي نشوفو قدّامي و نبلّغ سلامي لخلوده L’Artiste أحلامي برشا و برشا اللي صدّوني ما نطيحش في مصبّ و ما نطيّحلك عيني أني بابايا كرّهني في الدوني ، و غشمني بكفوفو كي طاحت عيوني شكون اللي يجيني يقاسمني في محوني.. شكون اللي كرّز وقتلي سبّوني.. ناس ما تعرفنيش تدافع عليّا نتمنّى نقابلهم يا نجيهم يا يجوني .. تمنّيت نزورك يا حُرّة معادش ، تمنّيت في مارس غير ربي ما رادش ، نعدّي في الخامس ازح تقول حادش ، آه ، عصينا مولانا ما فادش ، حلمة و مواصل خليها كي تجي ، .. حلمة الصغير اللي ولّى Mc ، كبرنا و عرفنا اللي لينا تو يجي و اللي خاطينا خاطينا زايد صاحبي ندوّح في اموري في ارض شياح و بوري و نورّي في حضوري ملي سبت الباك كي نشنتي تقارنّي بوائل الكفوري و كي نرابي لازمني نريسباكتي 2pac غلطة من أغلاطي ماعشتش الفاك /نكره كلمة برى عكعك حاله معاك .. اسمع و تلّف ما تشوفش وراك و ما تسمّع ستاك و ما توسّع خُطاك ما نحبّ نتهوّر نقسملك بشرفي ، و نقولك عشقي للراب خساره فيه ، عطيتو قلبي يا رواريَّ اعترفي عطيتو و ماخسرتش كان صاحبي السلفي /يلاَّ انصرفي يا شواطن روحي خلّي و انصرفي ، احلامي في الطيحة لا ما تنْجَرفي ، قومي و قوّمني قومة بال Magnifique سياسة magnifique . موجوع صحيح أمّا النيّة غلاّبة قدّاش من اصابة توجّعني في الراس نُسكت ما نحكي ماعندي ما نحكي ماعندك ما تحكي سيّبني و خلاص ،الشهرة ما تساوي جواباتي للأحباس الڨُلعة فرحانة معناها لباس ڨبلّي ربّتني ما نلحّس لبطني ما نسلّم في وطني جنوبي تكناس . واشبيك آصحوبا ما عرفت طبايعنا بلّي تعرف موجود كان ربي في سمانا ، نحبّك من قلبي كي خويا نِشهدلك لكن اللي دارو بيك كان ناس طحّانه ، ..و بلاش اهانة ما ترجع D’origine و saye اخطانا ، نفسّخ و نطيح لكن العروق جيعانه نعشق الكتيبة و يشهدلي مولانا ، و بلاش اهانة . اللي حبّونا ملّخر معانا كي تهدّ الخاطر ماعادش فينا كيف ، نفهم من رمشة و ما نصفّي بالكمشة و مانغيّر الممشى و ما نزلّط بالكيف ، ني مسلم عربي واددكم من الريف ، wesh mec راسي في غلّة الخريف ، شكفاك ؟ ، دولة ما فيها مصاريف و عماك كان اللي عدّوها عليك ، نخلّي موش لاهي ني ، ما نديرش صُحبة مع ناس ما تصافيني، ني قلبي تعبّى لكن موش أناني معدّي فيتاسي جملة ما نفريني ، و طحنا مثلاً ، الريّس سمعني وصفني قال جملاً أرى في العين سمّا منهملا ، أريد حقّي حقّا مكتملا ، موش كلام يجيب لينا كان مللا ، وجيعة في راسي ما لقيت اللي كيفي اللي كيف يجي ضيفي يقاسمني المحبّة ، حتّى كان جينا من الزيرو بلا فلوس مالحّسنا لزنوس و خليه قلبي تعبّى، تعبّى علّي خان و علّي عاداه ، تعبّى غير تاتي مستغفر مولاه ، كيفك الواطي ما نطوّل حذاه لكن اللي يقاسمني في لُقمه حاشاه ،آشبيك يا صحوبا غرّاتك أكتافك و نسيت اللي هزّك وقتلّي سابوك ؟ ، آش بيك آ صحوبا كيف عطاتك الدنيا زروسك مضات و في لسانك عظّوك ، ....يرحم بوك .. خلّي الدنيا بيضاء يرحم بوك ، .. هاذي سنين باقي شادد في عدوك .. صفّي قلبك و ارجع صافي خوك .. يرحم بوك