متوحش منين جيت ونعرف وين ماشي والدنيا ما تدوم متوحش أمي تدعيلي بالخير في صباحي كي نقوم متوحش ضحكة خارجة من القلب ومتوحش زروسي ...متوحش كف من عند المعلم ما قريتش دروسي متوحش حليبي وحلوة في جيبي وبوسة على جبيني متوحش المرضة ونرمي في الدهشة وأمي اللي تداويني متوحش بابا اللي يجيب القفة خضرة ولحم والقلوب البيضاء اللي اليوم ولات فحم اليوم صاحب خوان والخو مدوان وفاتورة وديوني اليومة ما لقيت كان نوامرهم في تاليفوني سهرية سكرة كاس ورا كاس والفراق صباح مروح الفجر وصوت الآذان حي على الفلاح ضايع بين الشيب والعُمر مشى والضحكة وين مشات؟ فاتورة ضوء وفاتورة ماء وشنية العشاء؟ متوحش خرجة بين بابا وأمي وشاديني من إيدي متوحش طيحة وأمي كتقولي اللطف على وليدي ومتوحش الماضي والعمر جرى بينا ومتوحش الماضي واليوم وين مشينا؟ ومتوحش الماضي حفيانين رجلينا ومتوحش الماضي وشبي هكا ولينا؟ لالالا، لا، لا لالالا، لا، لا لالالا، لا، لا لالالا، لا، لا متوحش أيام صغير وشيطان ومن غير ذنوب فقير وميزيريا ومستورين وفرحانة القلوب متوحش خويا نتعارك أنا وياه على طرف دجاج وأمي تقوم وتاخدلي حقي وتقول خوكم مكلاش متوحش صغري كيف لعبنا سارق وبوليس وأنا وبنت الجارة لعبنا عروسة وعريس اليوم كبرنا والبوليس حط السارق في الأحباس واليوم بنت الحارة ولات تتشاوف فضيحة بين الناس وتمشي الأيام وكبرت الهموم والشيطان كبر اللي فينا استغنى واللي فينا حرق وفينا اللي هتر عركة على الورثة والأخوات اليوم ولات عدو وماتت كبار وكبرت صغار والخو ناسي خوه والدنيا flou وكاسي مليان والبيرة في البار وناسي فاتورة الضوء والماء اللي تحت باب الدار متوحش خرجة بين بابا وأمي وشاديني من إيدي متوحش طيحة وأمي كتقولي اللطف على وليدي ومتوحش الماضي والعمر جرى بينا ومتوحش الماضي واليوم وين مشينا؟ ومتوحش الماضي حفيانين رجلينا ومتوحش الماضي وشبي هكا ولينا؟ لالالا، لا، لا لالالا، لا، لا لالالا، لا، لا لالالا، لا، لا