هيْ اقيفن النعمة فيكن؟ نعمة ياتن؟؟ ما عرفتن نعمة انتن!!قولن انتن شن عرفتن؟ ؟ ...نعمة خيتا للغلابةْ تدي للجيعان لقيمة وتدي للعطشان جغيمة و تَكْسي للماشين عَرَايا وفوقا ينقطّعْ هديمه ما عِرفتِنْ نعمة انتن قولن انتن شن عرفتن؟ ؟ شايلة طولت البال من الله ومن اراضينا الإثارة نعم تعد وصاحي تحلم بي بيوت بي نور ودُشْ وبالمحبة تشُق دروبه وفي قلوب الناس تخش عرفت الشقا والشقاوة الا ما عرفت تغش نعمة تحلم بي وجود ما مشت بينو القيود أفضل أفضل بي كتير بي وطن من غير حدود نعمة تحلم بي عوالم زي رؤى الأطفال حوالم لا درادر لا عساكر لا مظاليم لا مظالم وما عرفتن نعمة انتتن قولن انتتن شن عرفتن الله ليللن يا ليل الله ليللن نعمة تحلم ولمن تحلم نعمة ترجف وتبدأ تنزف الله ليين يا حليلن وا شليللن مرة شافت في رؤاها طيرة تاكل في جناها حيطة تِتمطى وتفلع في قفا الزول البناها فسرت للناس رواءها قالو جنت وما براها