شويخ من أرض مكناس وسط الأسواق يغني وش علي أنا من الناس ...وش على الناس مني وش عليا يا صاحب من جميع الخلايق افعل الخير تنجو واتبع أهل الحقايق الرجيم قد شغلني وانا معه بنشبه قد ملا قلبي وسواس مِمَّا هو يبغي مني وش علي انا من الناس وش على الناس مني شويخ من أرض مكناس وسط الأسواق يغني وش علي أنا من الناس وش على الناس مني ثم قول مبين ولا يحتاج عبارة اش على حد من حد افهموا ذي الاشارة انظروا كبر سني والعصا والغراره هكذا عشت في فاس وكذا هُونْ هوني وش علي انا من الناس وش على الناس مني شويخ من أرض مكناس وسط الأسواق يغني وش علي أنا من الناس وش على الناس مني وما أحسن كلامُه إذا يخطر بالأسواق وترى أهل الحوانيت يلفتوا له بالأعناق بغراره في عنقه وعكيكز وعكاز شويخ مبني على ساس كما انشأ الله مبني وش علي انا من الناس وش على الناس مني شويخ من أرض مكناس وسط الأسواق يغني وش علي أنا من الناس وش على الناس مني يا إلهي رجوتك جود علينا بتوبه بالنبي قد سألتك والكرام الأحبه الرجيم قد شغلني وانا معه بنشبه قد ملا قلبي وسواس مِمَّا هو يبغي مني وش علي انا من الناس واش على الناس مني شويخ من أرض مكناس وسط الأسواق يغني وش علي أنا من الناس وش على الناس مني