لا والله إلا راحت بقلبي جهار من النهار وأنا إذا واحد سألني قلت تكرم عينها ماهو غير القلب لا ولله تفداها العمار ...الدرة اللي ما خلق زينن يشابه زينها إن جيت أوصفها يصيب الشعر وقفة واحتيار لو قلت ما جاء مثلها في الكون أخاف أهينها شمس الضحى تغار منها والقمر منها يغار والأرض تقلب ورد عنّابي تحت رجلينها حبيتها حب الغريب اللي تشوق لديار يذكر دياره ثم سالت دمعته من حينها حبيتها لو أدري إن الحب للعاشق دمار ذوقي وتفكيري وعقلي كلهم هاوينها لو قالت اليسرى يمين وقالت اليمنى يسار أقول كيفك يا حياتي زي ما تبغينها من حبها جات في خلايا المخ يعني باختصار أشوفها حتى وأنا في النوم ينصر دينها وليا لبست الثوب أصك زرار وأخلي زرار وألبس شماغي وأنشد أصحابي شماغي وينها صبرت وإن الصبر نار إشتقت وإن الشوق نار حالت سلوم البدو من بين الوصال وبينها عشرين عام من الوصال ولا نهارين إنتظار الأوله يا زينها والثانية يا شينها البعد عمن تعشقه موتا حمر والموت حار الله يوم أذكر دموع الشوق مع خدينها من دونها ما كاني إلا عايشن في قندهار روحي يهددها الخطر في يسارها ويمينها أحيان أقول أبو حياتي مالي إلا الانتحار وأحيان أقول العافية والعافية يا زينها شوفوا لنا حاجه تغيب بالعقل غير السكار ودي يغيّب بي ولا أصحى غير بين إيدينها ودي يغيّب بي ولا أصحى غير بين إيدينها