تغيرنا ولا ندري متى حـنّا تغيرنا بنا تاهـت مدارات الليالي والعناويني ...طفى نور الكواكب والقمر اصبح بلا معنى ولا عاد الربيع و زهره الـنادي يسليني تصافحنا بلا شعورٍ واحس انّا تخدرنا بروده في يدينك وإلا أنا احساس ما فيني حكـينا ضاع والمعنى توقف في حناجرنا وعين الحق ما تـنظر وعيّت لا توريني ظروف الوقت غداره او احنا اللي تعثرنا نمشيها على الساهل ولا قـلنا على ويني حكي فاضي بلا معنى تسيّد في مجالسنا ولا ندري مـن العدوان فيهم والمحبيني تجرحنا سيوف الغدر لكن ما تعلمنا بأن اللي ضحك لي يوم ما يقدر يواسيني إلهي جمّع قلوبٍ على الطاعه تكاتفـنا وعلى نهج الرضا نفخر بأنّا لك ملبيني