صبغة الراس مره بعد مره .. وعاد الشيب الأول في مقره اثار العمر للمخلوق مره .. ومن جدد شبابه ما تجدد ...ويوم اني صغير لمت وقتي .. تمنيت اني اكبر قبل وقتي حسافه للأسف يا الأيام عبتي .. وذاك الماضي بسرعه تبدد نعيش العمر والأيام تجري .. ويخلق ربنا ما ليس ندري واشوف الوقت عكر كل فكري .. ونشقا ايام ثم ايام نسعد وياليت اشتري طول الحياتي .. بما لي من وسائل ممكناتي ولكن بعد ما فات الفواتي .. وذاك الماضي بسرعه تبدل صغير ابغاك تتهنا ومرح .. وابا كل يوم في دنياك تسرح ترا الدنيا وهذا الكون مسرح .. انا مالي سوى راحتك مقصد تهنا قبل ما يرحل شبابك .. يغيبوا عن نظر عينك صحابك ومن نفسك على نفسك عتابك .. ولكن وش يفيدك لو توجد