شكون يهوى بلادو ماضيه وأجدادو ...وزرع الحب فأولادو #هدا_هو_المغربي شكون يفتح دارو لضيف مع جارو كريم وشاعله نارو #هدا_هو_المغربي جنه يا المغرب جنه ومن خيرك للقمه وصلنا بنت بلادو بوقوصه من العين محروسه زوينه تاخد القلب من الشوفه .. ورده مغروسه متواضعة وعفيفه مزيانه وشريفة ما تحتاج توصيفه اغزاله مثل الخيال جنه يا المغرب جنه ومن خيرك للقمه وصلنا مفركس وراقي وشيك ومن قلبو الطيب يعطيك الله يرضا لي عليك يا ابن بلادي يا أصيل بنت المغرب ديما زوينة قلب وقيمة مولات بيت حكيمة تشفي كل من قلبو عليل جنه يا المغرب جنه ومن خيرك للقمه وصلنا نهزو الراية الحمرا الراجل مع المرا والمغرب ديما عمرا الله اكبر يا بلادي سير يا بلادي سير يا مغربنا يا كبير انت الرحمة والخير ترابك غالي يا بلادي جنه يا المغرب جنه ومن خيرك للقمه وصلنا